Kisah Lam Rumoh Tangga (bagian ke 2)

  • Whatsapp

Oleh : Tgk Samuti

CA’E ACEH—-

Read More



Han kusaba le meunyo lage nyoe
Duek kah di sinoe bah kei jak mita
Ka jaga aneuk peu iem ‘oh jimoe
Bek deuh ji deungo le ureung lingka

Gasa that narit di jih ngon lakoe
Untong pih lakoe raya that saba
Ji tem theun talo rata tiep uroe
Seubab dilakoe beu o jih seubra

Bacut peusan lon keu ureung binoe
Gata ngon lakoe bek sagai gasa
Beuleumah leumbot marit ngon lakoe
Meunan hai adoe suroh Rabbana

Nyo teumeureuka gata Ngon lakoe
‘Oh uroe dudoe hareum syeuruga
Bah pih ibadat teuh cula caloe
Nyo teungku lakoe peumeu’ah hana

Tapi meunyo na meu’ah bak lakoe
Baro oleh Po peu ampon gata
Ampon bak Allah meu’ah bak lakoe
Meubaro adoe tamong syeuruga

Lon peugah meunan kon bela lakoe
Meunan cit lakoe gata bek Gasa
Bek bacut silap poma si Putroe
Laju teungku droe paleut bak muka

Meunyo cit salah di jih ngon lakoe
Wajeb geutanyoe peuingat sigra
Beutapeumeu’ah meunyo jih tuwo
Bek laju adoe Inong ta tampa

…… Bersambung



Related posts

Paris

Paris