Kisah Lam Rumoh Tangga

  • Whatsapp

Oleh : Tgk Samuti

CA’E ACEH—-

Read More



Salam’alaikom kawom lam nanggroe
Peumeu’ah lon nyoe wahe syedara
Na saboh haba lon neuk hareutoe
Lakoe ngon binoe lam rumoh tangga

Na saboh rumoh di gampong kamoe
Cit geunap uroe sebe lam seubra
Sabe meupake lakoe ngon binoe
Wate ta deungo seudeh teuh raya

Di ma si inong ji carot lakoe
Seubab tan geubloe ungkot ngon saka
Teuma di Tgk ka geukheun meunoe
Wahe cut adoe meu’ah beuraya

Ungkot ngon saka kon hana lon bloe
Tapi uroe nyoe hana beulanja
Lon neuk meu utang ate han sampoe
Kadang keu lon nyoe han ji peucaya

Getanyoe gasien cit ka lage nyoe
Meusaket adoe ureung peucaya
Ta saba hai dek nibak uroe nyoe
Ngon gule rampoe ta peumeumada

Meuban ji dengo meunan kheun lakoe
Laju hai cut Po meutamah seubra
Tiep uroe sabe ngon gule rampoe
Rugoe na lakoe kheun ma si dara

……Bersambung



Related posts

Paris

Paris