Lakoe Phui Jaroe (bagian ke 3)

  • Whatsapp

Oleh : Tgk Samuti

CA’E ACEH—

Read More



Meunan keuh do’a di ma si Putroe
Wate ta deungo seudeh teuh raya
Di Apa Luha hana geuthei droe
Padahai binoe cukop seutia

Payah ta teumei ban ma si Putroe
Yang le that jinoe cit sama teuga
Meubacut jidhot le teungku lakoe
Di ureung binoe pih peuhu mata

Peulom na bacut jipoh le lakoe
Laju ji peutoe ji raba nuga
Lakoe ji lawan wahe e cut Po
Dijih salah droe hana ji kira

Beuingat-ingat wahe rakan droe
Lakoe ngon binoe bek sabe dawa
Meunyo meudawa gata tiep uroe
Raseuki han toe dak hek ya mita

Beuna ta ingat bak saboh uroe
Wate gata nyoe ta meududk dua
Le that nasehat yang gata deungo
Sideh hai adoe kanto Ka U A.

‘Oh noeu keuh mantong haba lon rampoe
Meunyo meucawo meu’ah beuraya
Meunyo cit beutoi wahe e adoe
Ubah leh jinoe bek lage yang ka.

TAMMAT.

Related posts