Rahasia Tanggai “26”.(bagian ke 2)

  • Whatsapp

Oleh: Tgk Samuti

CA’E ACEH—

Geumpa Mentawai pih tanggai Dua Nam
Nibak wate nyan tsunami teuka
Ji ek ie laot abeh ngop peukan
Coabaan Tuhan keu manusia

Beureutoh gunong pih tanggai Dua Nam
Teukeudi Tuhan di Pulau Jawa
Mate bak kaye lage teupanggang
Mate binatang hanjeut ta peubla

Dua Ribe Siblaih tanggai Dua Nam
Bak Krueng Mahakam pih rayek bala
Tutue ka putoh nibak uroe nyan
Ureung pih karam dalam krueng raya

Meunyo ta pike han sep pikeran
Hana ek ta fam le tanyoe hamba
Geupeutren bala le sidroe Tuhan
Tanggai Dua Nam kayem lagoina

Rupa jih bandum kana jawaban
Dalam Al Qur’an wahe syedara
Dalam AS SYU’ARA Surah DUA NAM
Buka hai rakan neucuba baca

Neukalon keudroe dalam Al Qur’an
Ummat yang tungang Tuhan jok bala
Hana ji pateh peurintah gobnyan
Peu yang geularang ka ji keureuja

Sabe ji paleng bak peringatan
Kheun Rasul Tuhan ji deungo hana
Ka ji kheun pungo keu nabi yoh nyan
Seubab geularang peu yang jih suka

Hana teuingat jih peuneujeut Tuhan
Peugot peureman ateuh rueng donya
Padahai udep cit siat sagai
Ta mita beukai wahe syedara

Leupah le kisah dalam Al Qur’an
Keu peuringatan geutanyoe hamba
Kisah Fireu’un sinan geupeutrang
Keunong kutokan wab jilet Musa

Bak nabi Musa ji kheun wate nyan

……..Bersambung

Related posts