Haba Peuingat

  • Whatsapp

Oleh: Tgk Samuti

CA’E ACEH—

Read More



Deungon bismillah lon peuphon surah
Keu sidroe Allah geutanyoe pujoe
Seulaweut saleum keu Rasulullah
Utosan Allah nabi geutanyoe

Peumeu’ah ulon kadang na salah
Yoh goh ta langkah peuliket bumoe
Utang di donya sinoe ta peuglah
Bek le ta keubah keu uroe dudoe

Na saboh haba lon keuneuk peugah
Keu dara ceudah lon neuk hareutoe
Rupa jih cantek tari meuleupah
Pemuda gagah yang jeut keu lakoe

Wate ta kalon meurasi leupah
Linto si nyak ji woe ngon moto
Ureung pih sopan cukop peuramah
Si dara ceudah seunang han bagoe

Hana padum trep lheuh ji meunikah
Lakoe yang gagah ji dhot tiep uroe
Han sapeu beutoi yang lakoe peugah
Yang hana salah cit meuhaba droe

Tapi saba that lakoe si nyak Mah
Han ji peuleumah ate jih seungkoe
Beuthat pih ji dhot jih le si nyak Mah
Lakoe meutuwah cit ji tem iem droe

Bak saboh uroe ka kheundak Allah
Lakoe si nyak Mah jeut mat keumudoe
Jeut keu pimpinan bak saboh dinaih
Jimat peurintah ade han bagoe

Cukop that betoi lage meusumpah
Karna ngon Allah meujanji keudroe
Meunyo yang hak gop han ji tem ramah
Bah pih ka leumah amplop Meu asoe

Beuthat na gop jok haroih beujelaih
Peu keuh atra sah atau meucawo
Meunyo yang hareum ji tulak bagah
Keu sidroe Allah di jih cukop yo.

…..bersambung

Related posts