Rahasia Tanggai “26” (bagian ke 3)

  • Whatsapp

Oleh : Tgk Samuti

CA’E ACEH—

Bak nabi Musa ji kheun wate nyan
Kupasoe rijang kah lam penjara
Seubab ka peugah na laen tuhan
Nyo kah kheun meunan ku peubinasa

Dum awak sihe ka ji hei keunan
Nibak awak nyan yue seurang Musa
Fir’aun meujanji meunyoe cit meunang
Ku bri jabatan dalam istana

Ji rhom le bandum tungkat awak nyan
Musa ji tantang wahe syedara
Tungkat Musa geurhom ‘oh lheuh nyan
Sihe awak nyan abeh ban yang na

Musa ji let dudoe ‘oh lheuh nyan
Oleh pasukan kaum durjana
Musa peh tungkat geuyue le Tuhan
Teuplah laotan Fir’aun binasa

Fir’aun mate deungon pasukan
Ka kheundak Tuhan lam laot raya
Jasad Fir’aun Tuhan peutinggai
Dalam Al Qur’an Allah ceurita

Kaom nabi Noh laen lom macam
Keu nabi yoh nyan ka ji kheun gila
Seubab dalam tho geupeugot kapai
Han mungken sagai keunan ie teuka

Tapi hana trep wate lheuh kapai
Kheundak bak Tuhan ji ek ie raya
Meusoe yang han ek dalam kapai nyan
Ban mandum karam tuha ngon muda

Purumoh Ngon aneuk yang nan Kana’an
Roh lam rombongan Tuhan mureuka
Nabi hei aneuk nibak wate nyan
Tapi aneuk nyan peureumeun hana

Meunan keuh contoh geubri le Tuhan
Keu tanyoe insan ateuh rueng donya
Bah aneuk nabi meunyo meubangkang
Mureuka bak Tuhan hana meubeda

Umat Ibrahim pih saboh macam
Cukop that tungang wahe syedara
Di raja Zamrud nibak wate nyan
Cit leumpah keujam hana bandeng sa

Nibak kaom jih ka ji yue yoh nyan
Yue peudep rijang apui beuraya
Ji rhom Ibrahim dalam apui nyan
Meuseu uem pih tan Ibrahim rasa

Awak nyan pike Ibrahim ka ceukang
Ka angoh badan tan le meusisa
Hana ji tupeu oleh awak nyan
Kuasa Tuhan geuneuk peunyata

Tuhan peuleumah nibak wate nyan
Kuasa gob nyan bak manusia
Tapi awak nyan mantong meubangkang
Utosan Tuhan ji deungo hana

Kisah nabi Hud pih na geupeutrang
……..

…….bersambung

Related posts